حلول هندسية ومدنية باحترافية

تقسيم معماري

نقدم لحضرتك مسقط رأسي للأدوار بطريقة تتوزع فيها الفراغات داخل المبنى بحيث يكون عملي ومريح ويخدم الغرض اللي المبنى معمول علشانه، بمعنى آخر كل غرفة مكانها فين.

• مساحات الغرف.
• توضيح العلاقات بين الفراغات متقسمة ازاي.
• واكيد اهمية التهوية والإضاءة داخل المبنى.

التصميم الإنشائي

وده بنستكمل فيه مع حضرتك ازاي نقدر نحقق المتطلبات المعمارية بعد الاستقرار علي طلباتك يعني بمعني اوضح بنبدأ نوزع احمال المبني علي البلاطات ونجيب ابعاد القطاعات الاعمدة والكمرات وكميات التسليح في كل عنصر انشائي وبنركز علي حاجتين اساسيتين (مبني امن-أقل تكلفة)

• تحقيق الأمان الإنشائي.
• تقليل التكلفة قدر الإمكان.

الحصر والشوب دروينج

الحصر هنا بندي لحضرتك الكميات التفصيلية المستخدمة لأنشاء المشروع حسب اللوحات التصميمية سواء (اسمنت - رمل - سن - خرسانة - حديد تسليح بأقطاره - كميات الحفر والردم) وده بيكون العامل الاساسي في تحديد تكلفة المشروع

الشوب دروينج دي عبارة عن اللوحات التنفيذية التفصيلية للمشروع يعني لوحات بنديها لمقاول النجارة والحدادة تسهل تنفيذ المشروع وتقلل الاخطاء اللي ممكن تحصل اثناء التنفيذ بنقدم فيها لوحات تفصيلية للسلالم وتفاصيل تهبيط السقف ورسم الحديد في كل العناصر الانشائية سواء بلاطات او اعمدة او اساسات وبنقدم لوحة قطعيات الحديد الكاملة للمبني ودي اللي بتمنع حدوث هوالك في الحديد وبتعرفنا هنستخدم قد ايه حديد في المشروع بالكامل

الاستشارات الهندسية

ودي خدمة بنقدمها لحضرتك عشان تساعدك تاخد القرار الصح في مشروعك بنبدأ نطلع علي تصميمك ونراجع التصميم ونطلع مشاكله سواء كانت مشاكل معمارية أو انشائية حل مشاكل في الموقع أثناء التنفيذ تقليل التكاليف من حيث استخدام مواد أو قطاعات أوفر والاهم من ده كله مطابقة التصميم للكود والمواصافات